حالي بكاني

حالي بكاني

حالي بكاني حتى النوم جفاني

والعين عيات من الدمعة السيالة

تمنيت النور وفالظلمة رماني

لا هنا لا لهيه كيف حياة الرحالة

دورت على مكان لهمومي وحزاني

ردات من غيرك ماني بدالة

والجمرة كوات قلبي وكياني

والنوم غدرني وهجرني وتعالى

لا قمر لا نجوم تنور شطآني

لا شمس نكون عليها عوالة

ومللي نقول صافي حطيت رحالي

نلقاني في دروب الدنيا جوالة

شكون يرحمني ومانبقى وحداني

عايش في غابة وحوشها قتالة

ترجيت النوم يكحل لي عياني

ترجيت الهموم تمشي وتنساني

سمعتني مواج البحر وبكات لهوالي

ونصحني نسيم الفجر نترجى العالي

ولله يا العالي شوف من حالي

الهم بكاني والبكى عياني

وأنا اللي حالي,حالي بكاني.