لبارح واليوم

خسارة ما قدرتي تقرى بعيوني
ولا تحس بنسمة حبي وجنوني
طايرة فسماك نقلب على مرسى
نسال الناس على طريقك يدلوني
بعينيك كنتي تحكي لي ألف قصة
لكن ما فهمت اللي حاولو يفهموني
واليوم مللي قلبي على برك رسى
خانو وخلفو باللي بيه واعدوني
يلا نساو هوما كيف قلبي أنا ينسى
وكيف نسالهم ويرفضو يجاوبوني
بدموعي ترجيتهم وبكيت عسى
لبحور شوقك ما يرجعوني
تمنيت منك تعطيني فرصة
نقريكلحروف اللي رموشك علموني
لكن قلبك عاند وقسى
ودموعي من يومها ما فارقوني
لبارح عيونك حياو قلبي بهمسة
واليوم نفس العيون قتلوني